TVB,5該你積下陰德 |
| 其實大家都心知肚明, TVB 頒獎禮既遊戲規則....
就算你有實力,就算全世界都覺得你應該攞獎,
但如果你唔幫TVB 仆心仆命就唔洗旨意有獎攞...愈大既獎或者愈大既榮耀 (e.g 六年霸) 就愈要幫 TVB 做更多既野先得.....
問題係.....祖祖攞六年霸係實至名歸之餘, 亦的確幫 TVB做左好多好多野.
不單止犧牲左宣傳in motion 既時間去做塵世美, 不單止逄 show 必到,
甚至將自己出碟冇耐既starlight 送埋俾 TVB 任佢播........(雖然播既係cut左既版本, 但隻碟係錢黎ga, 大家有冇見過一個紅歌手既演唱會出左碟幾個月就拎去俾電視台免費任播丫??最諷刺既係黎緊年初二又播...)
TVB 如果係冇心俾祖祖六年霸, 點解由年頭到年尾都好似幫緊祖兒鋪路咁丫??
(好聽d叫鋪路, 難聽d 其實就係以獎項"要脅"歌手做野.....)
唔通祖祖今年咁輝煌既成績加上幫TVB所做既咁多野都仲唔夠??(如果按照所謂既遊戲規則)
點解 TVB 要俾希望祖祖同JF, 之後一手令佢幻滅???!!
TVB 點可以咁黎對我地祖祖.......唔單止係過橋抽板.........直頭係玩緊佢......連宣佈果一刻都要咁黎整鬼佢.......冇人性...
真係好心痛, 心痛唔係在於祖祖接連失落多個大獎
心痛係因為, 2008 年係祖祖都覺得引以為傲, 最突破, 最搵倒方向, 最得到其他人認同, 成績亦係有目共睹既一年,
但偏偏當我地甚至祖祖都覺得事業去到一個新高峰,理應有好收成既時候,
接二連三遭遇到咁多不平既待遇..........加上TVB 咁大既滑鑯爐......
完全係天堂跌落地獄.......我好失落.........真係...無言.....(仲記得12月時祖祖接受訪問都話自己對多個頒獎禮都好有信心, 甚至叱吒之後問佢TVB有冇信心, 佢都話有. 而家tvb咁做真係會好hurt lor..)
平心而論, 點解一首"喜帖街" 可以橫掃咁多個頒獎禮咁多個獎項?? 就當佢好聽到不得了, 但又係咪代表連帶成隻binary都可以攞埋大碟獎呢?
佢唔係K歌咩? 近年樂壇唔係要打壓K歌咩??點解祖兒唱 K歌就要受千夫所指, Kay 唱就橫掃千軍?? 想當年"我的驕傲" hit 爆中港台都未拎倒咁既成績.....一條街居然可以創下咁多紀錄...... (我唔係要話其他歌手既不是,畢竟佢地係好朋友,唔應該俾獎項破壞友誼, 我亦都明白頒獎禮從來都冇咩公平唔公平, 但今次個"遊戲"真係玩得太過份)
果d口口聲聲話要搞好樂壇做好音樂既電子傳媒, 以行動證明左d咩野??根本係自打嘴巴!
(唔單止TVB咁對祖祖, 叱吒點對呀詩大家有眼見. 連曾生都忍唔住頒獎時幫佢兩句...)
佢地既行為完全漠視一個歌手同幕後工作人員所付出既努力同汗水.
祖祖今年o係好多方面都有好大既改變同嘗試, 佢都要有好大勇氣同堅持先可以fight 倒 lee d 野返黎.事實亦都證明佢成功左丫, 但頒獎既媒體以咁既方式黎對待佢, 一盆又一盆冷水照頭淋, 你叫人地仲點行落去呀? 其他歌手見到咁慘痛既經驗, 仲點夠膽做真正好既音樂呀??
p.s 我知我好長篇大論, 但真係好感觸同心痛祖祖受到咁既委屈. 我相信正如祖祖所講獎項唔會影響佢o係大家心目中既定位,
我亦都好贊成樂壇應該要百花齊放, 但唔該d 頒獎媒體唔好夾硬犧牲祖祖黎成就所謂既後浪, 祖祖o係我地香港樂壇 lee 個花園入面好重要既花, 樂壇係要百花齊放而唔係要拔去最漂亮果朵黎成就其他小花!!!
事實上,祖祖好支持同鼓勵新人係人都知 (想當年既kay到而家既gem), 祖祖既存在亦唔見得會 "阻住"其他小花生長, 唔好講到祖祖"雄霸多年"就一定要退位咁, 做唔做倒受人注目既花朵係要靠實力同努力ga!!! (呀係, 根據遊戲規則仲要靠"後台"tim...)」
好, 發洩完, 開頭打得有d激動, 請大家唔好介意!
希望JF 們同祖祖一樣收拾心情, 重新上路!! 大家俾D正能量佢啦喂~! |
|
